Unkwali we Indonsakusa
Ministry ye Health bakumuta unshingo unkulwana mukulungisilila bukukutu bukumushanganwa nabo pakushingisa zwinokola mudunhu lyakwa Hwange.
Hwange district officer ba Dr Fungai Musinami banoti ibo kwangweno pane zwilongwa zokulwisa malwaji endangalilo zukumutikana.
“Pane ma pulojekiti akumundilila mbeli ekweja kubaka chimwe chinhu mubugalo nokudalo kuchaba kuli nabanhu bakalayijwa unshingo bachaba ibo banopa mazano mukati mwamawadi sezwa tili mukushinga pamwe chete nokupeja zulokola.”
“Kwangweno atina bugalo asi kuna mapulojekiti akumundila mbeli amukweja kumisa chimwe chinu mukati bobugalo zwiva kunshangano wabashingi be Friendship Bench bakumubhancha mental health,” wakadalo Dr Musinami
Ihulumende ikumikimbija kubakwa kozubhadela zwendangalilo, zuli izo zuchapa lubhancho lunodikana kubanhu bali ibo bakumushungulujwa pezhulu penyaya je mental health sezwaswika panotyisa.
Konshaji mfupi wapinda bachinhulume bakaboneka sabanhu banoyabula zwikulugulu kuvha kumasheto akawanda yayo asinotubukana kulungiswa anoshanganisa kubola moyo akale nokumanikijwa kutobela chibanhu chabanhulume
Kuzhe kokushingisa zunokola pana zwinji zwakabhudiswa zokuti mubukamu bwemhuli banhukume banolingililwa nokudyamijwa kuti abangabe matate akale abangatubule kulela bana babo, kulingililwa kwemhuli akale nokukonana
Zukwendejana nozulolingililwa kuti zungatikana kubhanchija kudeleja kushushikana kukumutiwa nabanji zwinoba ibo zwikumutisa kuti banji belwale bulwaji bwendangalilo. Ministry ye health yakapatula chilongwa che Friendz chili icho chichatiwa kwamakole matatu etobejana.
Chilongwa yechi chichabhanchija banhu banopinda miliyoni imwe chete mumatunhu mana enyika pamwempela ne Matabeleland North ali pakati pama pulovinsi alokosha amulwisana namatambujiko ananga okushingisa zwinokola pamwe chete nobulwaji bendangalilo.
New Ziana
