Nambya news Unukaji wafa mushule kokubhatwa namagetsi.

87

By Sikumbuzo Nyoni

Unukaji womushango lyaka hwange wakabhatwa netambo yamagetsi yakabakabigwa muchizhumbo chehuku kumba kukwe.
Matebeleland North Spokesperson Inspector Glory Banda ,unoti Lillian Mhlanga (41) woku Madumabisa waka lebwa kufa esika kuchibhadela che St Patricks .
“Ndovuma kuti takatambula lukwalo lonukaji wakabhatwa nama getsi.Lillian Mhlanga wokuMadumabisa munsha wokwa Hwange wakabhatwa namagetsi eti ebhatije layiti muchi zhumbo chehuku edakujipa klya.,” banoleba baBanda.
Zunowi mwana nukaji wa Mhlanga ndiye wakawana amayi bekati tanda muchizhumbo besichinolebeleka. Kunowi pakabona alo wakashomeja babakijani babo kuzhobhansha, bakavabonsenga kuchibhadela.
Nobwachina bwapinda kuma 7 busiku Mhlanga wakangwina muchizhumbo enechinangwa chokunopa I huku chikafu. Eliwaba muchizhumbo wakabhatija ilayiti lakaba ilo lakombata akawila pasi.
Mapolisa banoti mwana nukaji pakabona nshaji wakatolwa naamayi walebha wakayeya kutobela , pakolopo ndipo pakanowana amayi belilele pasi .wakakweja kubabhata asi nayiye wakagwina namagetsi.
Wakashomeja babakijani bakozha belabuka, bakombweja i main switch bakata i PCR.
“Lillian Mhlanga wakalabukiswa kuchibhadela che St Patricks, Kukawanika kuti washayika eswika pechibhadela,” banoleba baBanda.
Kunowi mapolisa nama engineers bagetsi bomu Hwange Colliery Company bakaswika bakatikana ingozi bakalingisisa kuti kungaba ini chatikana asi bakawana jimwe intambo jikasungwa nama plastiki.
Mumazhuba pinda imwe muri yomunsha wokwa Hwange yakalashikilwa nozulongo mushule moku pyilwa nengumba, pezhulu pokuso sunga zubhodo intambo zama getsi.
Jingumba jinji mwaHwange jiloshangana nobulemu bwamagetsi ndendaba jokuti ingumbanji jilotiwa anowi ma bypass muchikhuwa zokurungisa magetsi akhona azujimuwanika mu Company ye Hwange C olliery. Banji balosunga intambo jamagetsi nama plastiki.
Insp Banda baka sungwaja banhu kuti bête zulizo zunodikana pamagetsi kutila kuti banhu besowanika belimukubhatwa kana kufa nama getsi.

Comments are closed.