MUMWE murume ane makore makumi maviri nematanhatu ekuberekwa akamira pamberi
pemutongi, Ruramai Chitumbura, mudare redzimhosva remu Bindura nemusi wa21 Mbudzi
2022 achipomerwa mhosva yekuba 18.6kgs dzembatatisi kubva kupurazi rinonzi Manyika
Farm,muBindura.
Muchuchisi Sheilla Maribha anoti iye nemusi wa18 Mbudzi 2022 munguva dzemadeko
kuManyika Farm, Batsirai Muchenje (36) nevamwe vake vaanoshandidzana navo
vanosanganisira Tafadzwa Mubaira naDenford Nyanguwa vainge vakarindira purazi
reManyika pavakaona Claudius Meki achisvika mumunda ndokutanga kudzura mbatatisi
achiisa munhava yake.
Batsirai Muchenje nevamwe vake vaairindira navo vakabva vabata Meki apo ainge ari pakati
pekuba mbatatisi.
Meki akabvuma mhosva yake pamberi pedare akanzi agodzoka kuzopihwa mutongo wake asi
achange achibva mutirongo.
Comments are closed.