IZAKHAMIZI zeGwanda sezamukele ngenjabulo isikhulumi esitsha seGwanda Provincial
Hospital uSister Sithandazile Dube.
Lokhu kuza ngemva kweminyaka emibili kulesixhexe kulihofisi, obekubuyelisa imisebenzi
eminengi kulesibhedlela, ikakhulu ekuphatheni izikhalazo zikazulu.
Isikhundla sesikhulumi lesi sasiphethwe nguSister Khethiwe Lufu, owatshiya umsebenzi ngo-
2018.
USister Dube waqala umsebenzi esibhedlela ngo-2005, esebenza emahofisini aphansi,
andubana aqanse ngokuya kwesikhathi.
Ubikele umsakazo kazulu ukuthi uyajabula ngokuphiwa lumsebenzi.
"Ngiqale lapha ngomnyaka ka-2005 kuze kufike namhla lapho esengikhutshulwe ngaya
kwelinye izinga.
"Sengetheswe ijogwe lokuba ngithwale lesisibhedlela ukuze sanelise ukuxhasa lozulu
lokukhuthaza ngenhlelo zethu kwezempilakahle."
USister Dube ubonge bonke omongikazi akade esebenzelana labo, wabuya waveza ukuba
ufisa ukuthi isibhedlela siphakame sincedise umphakath
"Ngibonga omongikazi engine enzakala labo, "kutsho uSister Dube.
Omunye wezikhamizi zeGwanda uThandekile Ndlovu uthe uyathokoza ngokukhutshulwa
kukaSister Dube.
"Sekuzaba lula ukuthi sihambise izikhalazo zethu," kutsho uThandeka Ndlovu.
UPrince Sibanda uncome kakhulu umsebenzi omuhle owenziwe yisibhedlela.
"Njengabantu abatsha sizwa silokujabula ukuba sekulehofisi ezasincweba indlebe.
Silethemba ukuthi izikhalazo zethu zizakhangelisiswa, kulungisiswe."
USister Dube uphuma eMbizo ngaphansi kweNduna uMarupi.
Okwamanje, labo abafuna ukuxhumana laye, betshaya ucingo ku:
*+263798 834 687*
Comments are closed.