MASO ibamba pobwe lyabamanene makkumi one (40)

27

Kabunga katali kaFulumende kamucheengelelo kaMidlands AIDS Service Organisation, (MASO),
kakachita pobwe lyabamanene balanga bamuchaala abamwi bana balimubuyumuyumu.

Pobwe lyamwaaka uuno lyakeeta kutambwa kwabamanene bali makkuimi one (40) balakati
kamyaaka makkumi musanu amyaaka musanu amakkumi musanu alamakkumi otatwe (55-80) bazwa
kuKwekwe, Zhombe, Lower Gweru, Gweru Urban aamwi mabbooma.

Musobano wamwaaka wakuulikwa aazina lyakuti “Mabbindawuko aaBamanene” wakachitwa
kumasena aVillage Escape, White Waters mudolopo alimwi lugwasyo lwamali lwakawa kukabunga
kaStephen Lewis Foundation kakuCanada.

Musobano wakeeta mweenya uukwabilikide, mubotu alimwi uupa kulyookezya kulibamanene
kuchitila kuti babweedulule musule alimwi akugwasyania mumisela yabo mukwiinda mukwaabana
eezyo nzibaswaanana azyo.

Mweendelezi waMASO, Tinashe Machikano, wakaamba kuti: “Baabana (bamanene) milumbe yakuti
beendelezya biyeni mulimu wabo wakulela bana aachiimo nchibelede kuti kabali bakalyookezya pele
bo lino balijana kabali mbabo abalikke babambala bamuchaala antoomwe abana
balimubuyumuyumu.”

Kabunga kaMASO keendelezya ‘Mabbindawuko aaBamanene’ muChilikiti chaMidlands choonse
kuzwa kuWaadi aawo babalesi bakalipeda kubelekela luundu mpubayanduula bamanene alimwi
akubeleka aamwi ambabo mumilimu minji yakoobeka myoyo, yabukkale alimwi ayazyabuvubi
bwamali.

Bamanene aaba aanga babikkwa muTubunga Twalugwasyo twabantu balakati akkumi kuyosika
kukkumi lilamusanu (10-15) kabunga kamwi akamwi. Balayiisigwa zyiiyo zyabuumi amabbindawuko
aandene alimwi mpalamo kiili yakubasumpula mukupa lugwasyo lwakulela bana alimwi alugwasyo
lwabo beni mulizyamali ampuli zyabo.

Bamanene aaba lubo balayiisigwa Kubamba Mali akuBolekana kwaMumagunzi (Kuwaalilana)
kuchitila kuti bakonzye kujana mali yakutalika mabbindawuko aabo. Balajanikana lubo mukulima
nchelela yamumasuwa, Kuvuba nkuku, Zyakwaanza ziswaanizya kusuma, kubumba, kujika nsipa
azimwi antoomwe aamwi mabbindawuko azyamali.

TONGA

Kupobwe eeli, bamanene bakabawo mumilimu yakulisangalizya iilimbuuli yakutanta malundu,
kunjila mumaato mbuuli mweenya wakulisangalizya mubusena bupya bwaZip Line kuWhite Waters.
BaJunia Nyoka, balamyaaka makkumi musanu amakkumi otatwe (80) alimwi kabazwa kuShurugwi
Tongogara bakakonzya kunjila mubwaato mpawo akunyenyebwida bamwi kuti bakakondelelwa loko.

Mulumbe ooyu wakasandwidwa kuzwa kuChikuwa aMidlands State University National
Language Institute (29/11/22)

Comments are closed.