News in local languages (Tonga) Gonyeti ploughs into 11 cows

Igonyeti Lyuma Ingombe zilikumi Akamwi
Igonyeti lizwa ku busena bwa Botswana linyampula imalasha lyakiinda atala atanga
lyangombe zilikumi akamwi mpawo lyajaya zisanu atune mpawawo, afwi a Halfway Hotel
mumugwagwa ujatanisya Bulawayo aVictoria Falls muli bwaTatu mansinku.
Igonyeti lyakayobuya ku Buluwayo awo itanga lyangombe kalilimukutimbula imugwagwa
ku Lupane mubusena bwa Chimwara.
Ingombe ezyo zyakali zyabantu bone kwindila mulibe Kusile Rural District Councilor bamuli
Chimwara ward 25 ba Kawulani Muzamba, balamba, “bamwi babantu aba basweekelwa
angombe zyonseni”.
Kuli intenda yakacitikana ijilo afwi a Halfway Hotel awo bamwi babantu mpubakaswekelwa
lubono lwabo loonse.
Igonyeti eli lyakuma ingombe zili kumi akamwi,zisanu atune zyakafwida mpawawo,
zyobilwe zilimuciimo ciibi loko izyakuti zilakonzya kufwa azilazyo.
Ba Alois Tshuma bakaswekelwa ngombe zyotatwe awo zibili zyakalicisa,mpawo ba Busani
Nyathi bakaswekelwa yomwe, Jeffrey Ncube wakaswekelwa zibili, baJoshua Hlabangani
bakaswekelwa zyotatwe”.
Ba Councillor balamba kuti beni lubono bakaciinka mpubakawuzya imintunta yanyama
amali ilansi kucitila ikuti bataswekelwi loko kambo zilakoonzya ikubola kana ikubhigwa
abavwimi. Takwe mwana omwe wakafwa kana kuliciisa muntenda eyi.