Musimbi waku Tsholotsho ulaminyaka ilikuumi atuune wajatwa asikwiiya nyina munganda yakuyiila.

Netsai Muleya

42

Mulombe ulaminyaka ilikuumi amusani atubili uyiya fomu yatatu kuMpanedziba Secondary school
kuTsholotsho wangwa nkambo kakujata mwana musimbi ulaminyaka ilikuumi atune aacikolo
coomwe.
Simulandu oyu kwakategwa wakajata mwana musimbi wamukwelela kumbali kunganda yakuyiila
nkalikuyandula bbuku lyakwe.
Acting Matabeleland North Province Community Relations and Liaison Officer Assistant Inspector
Christopher Mahohoma bakamba kwangwa oku.
Mubuzuba bwa 19 Ivwambipati 2022 kucikolo caMpanedziba Secondary, musimbi wakinka
munganda yakuyiila nkalikuyandula bbuku lyakwe ndyakabulide lyacii Ndebele.
Nakanjila musimboyo wakajana mujaya ulikede aatala etebuli nkalalike, takwe nakabenzi akujanika
kwamulombe oyu, pesi wakinkilila kunembo akuyandula bbuku lyakwe.
Nkaciyandula bbuku lyakwe, mulombe oyu wakanyampuka wajata musimbi acibaki caakwe
wasikumukwelela mukanda kakuyobola kalimunganda eyo yakuyiila yatakakiyidwe pe mpo
wamujata kamwi.
BaMahohoma bakati, nkaliwamaninsya kucita mulandu wakwe wakaciija wazwa abusena oboo.
Ikambo aka kakazwida atambalala musimbi oyu nakabuzya ba matron bakwe abo bakazotola kambo
ako kulibakapokola.
Kulikamwi kambo kakujatwa, bakapokola baku Lupane bakambilizya kuyandulwa kwamwalumi
utegwa Caspar Twala uzwa kuShabula Range munsi lyabasiMwami Mabikwa wakajata mwanakwe
ulaminyaka ilimusanu atutatu muMuvulo, wambobo Mahohoma.
Mubuzuba bwa 20 Ivwambipati 2022, sikujatwa oyu abamwi banike bakwe bobile bakasyede
nkabalangidwe awisi Caspar Twala banyinakulu nkabali babbuda.
Twala oyu wakabelesya maboko akwe caanguzu kujala mulomo wamwanakwe kumujalila kuti
atakwili, wayungizya Mahohoma.
Nkali wamana wisi kujata mwanakwe, wakamuyosezya amajwi akuti ulamuma nabuzya ibantu
azyacitika ezii.
Mwanoyu takwe nakaziswilizya pe ezi zyambo zyawisi pesi banyinakulu nibakasika wakabambila.
Akufwambana banyinakulu bakabweza mwanoyo binkawe kulibakapokola bakwamba nkatanatolwa
kolangwa kucibbadela.

Comments are closed.