UKULONDOLOZWA kokudla kwesintu kulisiko lamaNdebele . Izakhamizi zendawo
ezitshiyeneyo emaphandleni zithi seziqalisile ukulondoloza ukudla kwesintu okuzadliwa
ngesikhathi sebusika.
Ukudla kwesintu kugoqela imifushwa yedelele, imibhida yendumba, eyolude, eyebhobola kanye
lamacimbi.
Isakhamuzi seGaranyemba uSilibaziso Nyoni uthe usebenza nzima kakhulu ukuze enelise
ukulondoloza ukudla okuzamenela yena kanye lemuli yakhe lapho kufika ubusika.
“Isikhathi sobusika yisikhathi esinzima esifuna abantu basilungiselele ngoba kuyabe
sekungasela lutho emasimini ngakho ke ngisebenza gadalala ukuze ngilondoloze ukudla
okuzangenela lemuli yami" kutsho uSilibaziso Nyoni.
U Agnes Moyo yena ohlala eNsindi ugcizelele ngokuthi yena senelisile ukulondoloza ukudla
okutshiyeneyo okugoqela amacimibi, ledelele kanye lemibhida yendumba kwabakunengi
ngoba kuzamlethela imali ngesikhathi sobusika kanye lokuyathengisa amadolobheni.
Sengenelisile ukulondoloza ukudla osekuthe xaxa okutshiyeneyo ngoba ngifuna
ukuyakuthengisa emadolobheni kukanti okunye ngizakuthengisa ngesikhathi sobusika
kungilethele imali kutsho u Agnes Moyo.
U Barbra Dube wesigabeni seMzimuni kuward 3 ngaphansi kweNduna uMzimuni uthe
ukulondoloza ukudla kwesintu kwenza ahlaliseke emoyeni ngoba engela kwesaba lapho ubusika
bufika .
Ukulondoloza ukudla kwesintu kunginika isibindi ngoba ngiyabe ngisazi ukuthi ngesikhathi
sobusika mina lemuli yami siyabe siphephile ekuhlaselweni yindlala ngoba silokudla
okwaneleyo kutsho uBabra Dube.
Comments are closed.