Bakali bamuHwange bayinkilila anembo akukazyana atala azilimukucitika muma mayini,
kwindila kubanakazi bamu Raylton abo bakabumba citondezyo atala alusuko lulimukwetwa
amagonyeti ayinda akati kamanda abo kalimukuzwa kumayini, kabalimukuyowela ikuti kubona
bazojatwa cilwazi.
Ibanakazi balimukupa mulandu kuma kampani apeka coke abo balimuku sotoka mulawu wa
section 73 wa constitution mukwindila mukweta lusuko muRaylton.
Section 23 wa constitution ya Zimbabwe wamba ikuti muntu woonse ulacelelo cakwimikizya
kufumbwa busena butalikabotu obo bukonzya ikweta izilwazi kubantu.
Bamwi bamakampani balokubelesya imugwagwa winda mukati mwakomponi mukala bantu,
nikuba kakuli mugwagwa oyo ulinguwe wakabumbilwa magonyeti. Ikambo kalimbolaka
kakabikwa twiinji nikuba kulamwi masena alamamayini.
Mumunyaka wamana banakazi balimusanu akamwi bakalisungidwe mu Raylton muHwange
kambo kakuyandula bululami atala akukazyana alusuko lulimukwetwa amagonyeti,musule
akujalila magonyeti a Zimbabwe Zhongxin Coking Company ayo akalikunyampula imalasha
kuzwa ku Zhong Jian Colliery kabalikubelesya kagwagwa ako kayinda akati azinganda.
Munviki yamana ibanakazi ,kabalantomwe abe Centre for Natural Resource Governance
(CNRG), bakamaca muHwange kubusena bwa Dinde, kabalimukuyandula ilugwasyo atala apenzi
elyo lilimuku katazya basimyunzi.
Kwindila mu mema yakabalwa abe CNRG yamba kuti, “Kwakalicindi nikwakambulwa abapati
ikuti bakonzye ikwiminina atala akambo aka asi takwe cakazwidilila. Nkambo kako CNRG
kabalantomwe abanakazi bamu Hwange bakabumba eyi maci ilatala akukazyana alusuko
lulimukubisya cisi kili nzila yakunyampula citondezyo cakambo aka akukatamuna nanka
ikusungwazya mfwulumende abasimamayini ikuti bakonzye ikubona ikuti balacita biyeni
akambo aka”.
Bamwi banakazi bamba ikuti, mulicimwi cindi bawaca impasya yomwe kotatwe mubuzuba
nkambo kalusuko lwamalasha lwetwa amagonyeti. IZisyu mumagadeni kana imisamu
yamamango zyonse ezi zyakabija nkambo kamalasha.
Comments are closed.