Ngumlobi we Indonsakusa
Lakuba osomabhizimisi besifazane bevame ukunaka amalebula abaklami babo kanye lezimota, uSipho Mazibuko usomabhizimisi ogqamile futhi ongumsunguli kaMiss Rural Zim-babwe uyaqhubeka lokusebenzisa amandla akhe ukuphakamisa imiphakathi enganakiwe, ikakhulukazi izingane zasemakhaya.
Muva nje, uMazibuko ubotshelwe ukungaziphathi kahle ngemuva kokuzama ukwenza um-bhikitsho ongagunyaziwe ngaseNkantolo yeMantshi yakwaBulawayo.
Wahlanganyela le-Matabeleland North uMnumzana loNkosazana Rural kanye labancedisi bakhe bonke ababot-shwe ngokunganaki izixwayiso zamapholisa zokutshengisela. Ngaphandle kosizi lwakhe lokuxhuga okubonakalayo, uMazibuko uphikelele ekubambeni iqhaza, efuna ukulungiswa kwentombazane eleminyaka engu 16 yaseMbembesi, eMatabeleland North, okusolwa ukuthi idlwengulwe iphindelela ngumalume wayo—umtshayeli wegonyeti eliya emazweni atshiyene.
“Abafakazi bayesaba ukufakaza ngoba umdeni kammangalelwa ubulokhu ubasongela. Manje izinkantolo zithi icala lingase lichithwe uma kungekho ophumela obala. Yingakho ngithathe inyathelo,” kuchaza uMazibuko.
Ngokutsho kukaMazibuko, umsolwa uhlukumeze umzukulu wakhe ezenza ukuthi ubesiza ukuphulukisa ukugula kukanina. Ngokubona ukuthi ukusatshiswa kungase kuphazamise icala, uMazibuko uhole uphenyo olungekho emthethweni ngokubambisana lamapholisa, eseben-zisa inethiwekhi yakhe ukwakha icala eliqinile.
Ngokuthatha isinqumo esiphezulu, wazenza usomabhizimisi wesifazane ocebile ethembisa umsolwa inotho, uhambo, lempilo engcono. Leli qhinga lasebenza, futhi ubudlelwano babo bothando obungelona iqiniso buholele ebufa-kazini obubambekayo—kuhlanganise lemiyalezo esobala—okwaba lusizo ekubotshweni.
Ukusebenza ndawonye kukaMazibuko kudlulele langale kophenyo. Wasebenza ukuze aqinisekise ukuthi osindile akasiyeki isikolo, ehlela ukusekelwa futhi emtshintshela esikhungweni esitsha.
Bobabili ummangalelwa kanye lonina basesitokitshini, balinde ukuqulwa kwecala. Amaphe-pha asenkantolo aveza ukuthi ukuhlukunyezwa kwaqala ngoNhlolanja 4, ngemuva kokubuya komsolwa eSouth Africa. Izenzo zikamsolwa zaqhubeka ngezimpelasonto kwaze kwathi ngoMbimbitho 14, wabikela isihlobo sakhe, sabe sesibikela uMazibuko. NgoMbimbitho 16, uMazibuko wayesengenelele, intombazane yathola usizo lwezempilo.
Amacala athinta abahambela kwamanye amazwe abadlengula ababuthakathaka aqhubeka esiyaphambili eZimbabwe. Ukungenelela kukaMazibuko ngesibindi esebenzisa kokubili isikhundla sakhe somphakathi kanye lekhono elicatshile—akusizanga nje kuphela ukulungisa kuleli cala kodwa kungaba yisithiyo esilamandla kulabo abacabanga ubugebengu obufanayo.
