Mulembi wa New Ziana
Zimbabwe ilokulangililwa kusumpuka mulizyakulima mu 2025, fulumende ulokulangilila zilyo zisika matani 812 000 a 1.2 miliyoni kuzwa muzilimwa zyakupya zya 2024-2025, wakamba Cabinet Minister.
Nkabambula amuswanagano wakala basikapokola ku Cabinet yakaciitwa, baMinister ba Information, Publicity a Broadcasting Services ba Jenfan Muswere bakati eezi zizwa kulugwasyo lusimu, kuzwidilila zyakuzizyana, alimwi kusumpuka kwazilimwa zyeta imali.
“Cabinet inviki ino yakabona kwinkila kumbele kwa 2025 Winter Production Plan alimwi yakapa luzibo lukwene atala akuzigwa kwazilyo ciindi caakupya. Fulumende wakasimisya kulipeda kwabo kubbadalila balimi ciindi nkaciiliwo, alimwi kupa zyakubelesya ciindi coonse kuciitila ikuti zintu nzyende kabotu,” wakamba.
Bakati kampani yaZimbabwe Mercantile Exchange (ZMX) ilokuya kumbele nkiciita mulimo mupati kulelusya kuzizyana kwazilyo, mbulokuti kosikila lino yakuzya matani 7 507 ezilyo, imbuto yamafuta, ama pulses.
Balimi balokwendelela ambele nkabatola mukanwa wa Warehouse Receipt System, ne kubelesya kubikila luzutu, pele kubelesya kweta imali alimwi akuciinchanisya kwamapulogiramu,” wakamba.
BaMuswere bakati GMB yakajula ma agro-shops muma depots 88 munyika yoonse, oko kuli kujanikwa zilyo zyakuti balimi bawule zyakubelesya amali yakuzigwa kwazilyo kana kuti marisiti a warehouse ya ZMX.
“Kuzwa munsi wa 24 Kkunkumunamasamu 2025, makilogilamu 25.3 miliyoni a kotoni, ayo ayita US$7.7 miliyoni, akali awuzigwa kumakontilakiti alimusanu akamwi, nkaziyelanisigwa a 13.3 miliyoni makilogilamu mu 2024. Binji bamakontilakiti balokubbadala akeshi akalawo, bamwi balokubelesya electronic transfers,” wakamba, nkayungizizya kuti imbadalo ilokuciitwa kabotu, alimwi amwi makontilakiti alikubbadalwa akufwambana nkakubelesegwa electronic transfers.
Kuzigwa kwatombwe kulokunwisya manzi kwasika ama kilogilamu 348.5 miliyoni, kuzwa ku 228.9 miliyoni makilogilamu mu 2024, kuvula baMuswere nkubakati kwaketa mali isika ku US$1.16 bhiliyoni, ezyo zyakatanta kuzwa ku US$785.3 miliyoni munyaka wakinda.
Bakati kulangililwa kuvula kwatombwe kulinkilila kumbele, mbulokuti imbuto zyakuzigwa zyakatanta ku 46%, mamiliyoni gilamu ayinda kamwi akuzigwa munyaka uno, ala amahekita 212 377, kuzwa 727 000 magilamu alimwi 145 321 mahekita mu 2024, nkazitondezya ikuti munyaka wa 2025–2026 ulakonzya kugwisya malekodi mapya.
Kulimwa kwamwaka wampeyo kulokwenda kabotu, alimwi mahekita 122 897 awiti, mahekita 6 115 abbali, alimwi mahekita 4 708 amagwili akalimwa munyika yoonse, bakamba baMuswere, nkabayungizya ikuti fulumende ulokulangisisya amoyo woonse zilimwa ziciita ikuti kube matani 875 000 ezilimwa zyaswanizigwa, wakamba.
“Kwinkilila kumbele kuli kabotu muZimbabwe zitondezya kusumpuka alimwi lusyomo kulabo bawula. Kubelesya inzila zyakulima zyamazubano, kuzizyana, alimwi lugwasyo lusimu luzwa kulifulumende, inyika ilobuya kumbele mukujana ciikafu alimwi pulofiti mulizyakulima,” wakamba Muswere.
New Ziana
