Mumalembe, ikabunga kabeleka antomwe e Zimbabwe Elephant Nursery nkabali munzila
yakuvuna akubwedezya bana banzovu basimucaala, kamba kuti imwana wanzovu
wakatolwa kuHarare musule akubeleka amanguzu kuti bajatane abayina.
Imwana wanzovu wakuzikwa kuti Kazuma nkambo wakavunwa muli Kazuma National Park.
“Mumviki yayinda twakatambula luwayile kulibe Zimparks nkabalikuti imwanenzovu
wakasweka mubutanga wasikukacilwa kuzwa awo mpubabedwa manzi kuli Kazuma
National Park. Ibe Zim Parks mubucenjezi bwabo bakezya kuswanizya mwana, pesi zicisa
nzyakuti bayina takwe nibakaboneka pe,” bambobo be Wild Is Life Trust.
“Akufwambana twakatumina kabunga kendelezegwa aba Jos Danckwerts, Paradzai Mutize,
antomwe a Tom Ranjis alimwi bakamweta kuPanda Masuie akwifwi a Victoria Falls oko
ibalanga etala ezyabumi antomwe a Roxy Danckwerts nkubali kulanga mwana nzovu.
“Kwakategwa bakajana Kazuma wakali wabemviki nkazyedwe nikuba wakalikuma 168kgs
cikelo catwana tucizyalwa. Wakalamatwi amubala wamuyokansi acikumba cakwe cakali
nyanine aboya bulamfu mubili woonse nkambo ucili munini. Ikakombokombo kakali kajatwa
bulwazi alimwi wakala makwambulwa atondezya kuti walikwezya kuzwa mumanzi pesi
akasilikwa akufwambana.
Mubuzuba butobela tubunga tobilwe twakasotokela munzila yakuti bagwisye mwana oyu,
limwi bbazu basiminsamu mukutobelela kuvunwa, bakamba kuti Kazuma walikupona obotu
aluyando luzwa kulibamwi bana banzovu bakasiyigwa amanyina.
“Kazuma walikukala obotu pesi Kadiki wakazomuyanda nkamubona lyakusanguna
wasikumutola kuli Elliot pesi nkamumvwide.
“Nibwakaca wakatondezegwa kuli Beatrix, Elliot, Limpopo, Splash antomwe a Skellum
zyakali zibotu kubabona nkabalikubotelwa antomwe amunini Kazuma nkayelene a Elliot.
“Tucili alwendo akakunzi kanini kambo tuyanda kuti kajane manguzu. Kazuma uyanda kuti
ajane malili miingi, luyando kulabo bamulangide, tulakonka kuti tulamucitila zyelede.”