Kansila usyomezya kupa nguzu kubanakazi (Counsillor Sandra Dube promises to empower women)

Zyakatalikide nkalililoto kuli Sandra Dube kupa nguzu kubapya akulwanina ceelelo camwana musimbi
nkakulikutobela ezyo nzyakwiya mumunzi mane kumamanino zyasikucitika wajana tikiti lyakuti
alwanine kuba Kansila iwa ZANU PF mu Ward yakwe.
“Ikubona mwana musimbi mumacise zyakandicita kuti ndizibone nkakuli ceelelo cakupa nguzu
kubanakazi. Intambo yangu yakusanguna njakutola mwana musimbi ulimubuyumu kucikolo
nkelikubelesya ezyo nzyejana akuba akanzambwenene kuti mwana musimbi ayinkilile enembo
akwiya nikuba buyumu mbwakalikuswana. Ezi zyakandiita kuti ndibone ceelelo ncendelede kucita
mumunzi.”
Oyu musimbi maDube ulaminyaka ilimakuumi otatwe atune nkalinguwe ulabulangilizi bwakunjila
mulusalulo muWard 9 wambakuti uyanda kusandula buumi bwabanakazi mu Hwange.
“Ndilumwi wa ZANU PF ulabulangilizi mulusalulo ku Ward 9, ikabunga kendelezegwa amuzululi wesu
Muleli ba Emmerson Mnangagwa. Ndiyanda kwiminina ibantu bangu ikapati banakazi akubapa
manguzu kwindila mumali nikuba mubukalo, mbuli mbutusungwazigwa kukupegwa manguzu
amuzululi wesu,” wambobo.
“Ibanakazi belede bazwe muciimo cakuyama kubaalumi babo. Ciimo cakukumbila mali yamwinyo
nikuba zyoonse, zilelede kumana. Mbuli Kansila nditi ngacimane cilwazi cakukumbila.”
MaDube wambakuti nakuti azwidilila mulusalulo zimwi nzyayanda kuzocita nkuyisya bapya
abanakazi mumunzi wakwe etala akubacenjezya kambo aka ikakutola nanka kunywa zikoola.
Twelede kucenjezya bapya kuti baleke kutola zikola. Anukuti bapya belede kunjila mumabbizimisi
manini alimbuli kuzya matomato, kana akujatisya kuzyiyo kuti nkabali kuzikolo. Ndiyanda kuti banjile
kuzintu zikonzya kubasumpula kumali.
“Tulumba Mai Chinomona bakapa nguzu kubanakazi kwindila mukubayisya etala akupeka nsipa.
Tulinkilila anembo akugwasilizya ba Muleli kukupa nguzu kubanakazi kwindila mukusuma, kupeka
nanka zimwi zilimbuli kutentelela ezyo zilokucitwa mulubaza.”
Wakalumba azezyo zilikucitwa abe Second Republic kusumpula munzi walubaza lwaHwange.
“BaMuleli bakatupa makampani mayingi loko, tule Dinson Colliery, iPower Station yakakomena
alimwi basikubotya amakilinika. Lino ndano akubagwasilizya mulwendo alimwi ndiizi kuti kwindila
mulimbabo ibusena bwaHwange bulaba bubotu kubanakazi”.
MaDube ngumwi mulabo bacee wakakonzya kunjila mupolitikisi ezyo zyalikutegwa nzyabalumi
mumazuba ayinda. Mubusena bwa Hwange kulibanakazi balimusanu balangilide kunjila mulusalulo
kutibabe maKansila nkabalikukazyanya abalumi balimakuumi obile alamusanu atune bayanda kunjila
abalabo mulusalulo muma Ward alikuumi amusanu.