VASHANDI vanokurudzirwa pasi pemutemo mutsva kuti vanosungirwa kuti vapote
vachishanyira mahofisi eNational Social Security Authority vachiona homwe dzavo
dzemudya ndigere.
Nechishuvo chekugadzira kuzochema mangwana wazoona kuti muzvinabhizimusi
akange asingaendese mari yaabatira kuNSSA kana basa razopera, vashandi
vanokurudzirwa kuti vapote vachiona homwe dzavo mushure memakore mashanu
ega ega.
Nhaurwa dzekusaziva mafambisirwo ezvemari dzemudyandigare anorakidza kuti
anovhiringa vashandi vazhinji munyika zvokusvika pakuti vamwe mushure vazorora
havaendi kunobvunza mudyandigere wavo, vamwe ndivo vanodyeredzerwa
nevavanoshandira vasinga ripi.
Vachitaura mumusangano nevatori venhau mwedzi uno, Acting Deputy Director
Contributions and Compliance, VaVusa Mdlongwa, vakati mushandi ane zviga zviviri
zvaanosungirwa kuti aite zvinoti kupa muridzi webasa mapepa ake anomurakidza
iye kuti ndiyani nekugara achiziva kuti homwe yake yakamira sei.
“Mushandi woga woga unofanira kupa muridzi webasa zviziviso zvake (personal
information) sepazvingadiwa naizvozvo muridzi webasa uchava nechiga
chemazvokwadi (accuracy) yemapepa avanenge vapihwa. Senzira yekuda kubatsira
kuhwerengedzwa kwemacontribution NSSA inotarisira kuti vashandi vaongororere
nguva nenguva kuti zvavarikudzorera muhomwe yavo zvakamira seyi kuti varege
kuzoshamisika kana yava nguva yekuti vachizotora zvavakanga vachishandira.”
Vakati iyi yatova nzira pamutemo inoita kuti munhu asatarisire homwe yake nekuti
zvimwe zvenozoshupa mushure memamakore mashanu zvinogona kuzonetsa kuti
zvinge zvichigadzirika.
Vakakurudzirawo vatori venhau kuti mubasa ravo rekushambadza mashoko
echenjedzo nedzidziso naivo vatungamirire mukuenda mberi vachinoonawo homwe
dzavo dzemudyandigere.