MAKURUKOTA eHurumende nevashandi vemakanzuru vakakurudzirwa kuti
vashandise maradio aripo mudunhu reMasvingo kufambisa nhau dzepundutso
kuvanhu.
Achitaura pagungano rekupemberera redhiyo Gurukota reHurumende
revukavandudzwa kwemuguta reMasvingo, VaEzra Chadzamira, vakati makanzuru
nevamiriri evematunhu muParamende vanofanira kutaura kushandiswa kwemari
dzavachapiwa.
“Kune vabati veHurumende, makanzuru nemamwe mapazi eHurumende
ndinovaraira kuti vashandise redhiyo dziri mudunhu redu apo tinofambisa nhau
dzeHurumende kuvanhu vedu.”
“Patinoripedza gore ndinoda kunzwa makunzuru achitaura nezvemabhajeti avo
paredhiyo nevamiririri venharaunda dzakasiyana signature muParamende
vachitaura mashandisiro avachazoita mari dzavo dzematunhu (Constituency
Development Fund) pamaredhiyo.”
Chadzamira akati hofisi yake irikuwana rutsigiro rwakasimba kubva kuredhiyo apo
varikupihwa mukana kuti vataure pamusoro pemabasa eHurumende arikuitwa
mudunhu reMasvingo.
“Ini ndinoenda wani paredhiyo. Ndichateerera redhiyo dzemuno muprovince saka
vanenge vasingaendi kunotaura nevanhu ndichavadana ndigonzwa kuti
vanovanzeyi.”
Masvingo ine maredhiyo mana ayo anoshanda kusimudzirana upenyu hwevagari
anoti Great Zimbabwe University Campus Radio, Hevoi FM, Auxeni FM ne Wezhira
Community Radio.
