BAZONDE bagane unwabu abazali be Matsholomotshe ngomphathi sikolo uEverson
Sinyoro ababika ukuba sebhidlize isikolo se Matsholomotshe Primary kwele Gwanda
North.
Abazali ababika ngenhliziyo ezibuhlungu bathi lumphathi ubabhadalisa izimali
zokubhala imihloliso (midyear test), uthethisa izakhamizi. Kumnyaka embalwa
edlulileyo ubesebenzisa abantwana besikolo esivanden sakhe ngesikhathi
sokufunda, njalo efuya inkukhu endlini zokufundela.
USinyoro kubikwa udinga imali engange 70Rand yoku printer amaphepha emihloliso
ye (midyear), kukanti labo abathatha imiklomelo kaGrade 7 ubabizela inkulungwane
zezikhwelede.
Umsakazo kazulu unanzelele ukuba isikolo seMatsholomotshe besingela Flag njalo
abantwana abakuleso sikolo balutshwane kakhulu
Umhlali we Matsholomotshe uMkhululi Sibanda uthi isikolo se Matsholomotshe
ngeke saba lengqubekela phambili uma uSinyoro engasukanga emagumeni
eMatsholomotshe.
Sesihlale amadale amanengi sikhuluma ngo Sinyoro njalo ngathi akutshintshi lutho.
Lubaba kaboniseki, uphikisana lozulu wonke. Bekule sitolo esikolo namuhla akusela
bekule ndawo zokudlalela namhla akula.Sifuna ahambe njee," kutsho uSibanda.
Ubaba ongathandanga kuqanjwa ngebizo uthe uSinyoro sehluphile emzini yabantu,
kubikwa selabantwana ababili kuleyo ndawo.
Usobhuku we Matsholomotshe u Lovemore Ndlovu uthi lumphathi kahloniphi
umphakathi njalo sebulele isikolo.
"Isikolo lesi besilocingo (fence), izambuzi bezihlanzekile, beku khanya ukuthi
yisikolo. Khathesi konke kubhidlikile. Kambe kusaseyisikolo yini esingela flag?
Abadala babhadala izimali ezingela ma(receipt). Kungaba yinhlanhla ipassrate
ingadlula i5 percent. Abazali sebekhiphile abantwana lapha bebaleka izimali
eziqanjwa mihla ngemihla. Uthethise abantu abanengi lapha esithi Abafundanga.
Siyibukhokheli sifuna uSinyoro ahambe ukuze isikolo sethu sithuthuke, kubika
uSobhuku.
Umgcinisihlalo weSDC uMduduzi Mlilo uthi labo umphathisikolo esebehlule sebefuna
bancediswe nguhulumende bakhiphe uSinyoro.
"Indaba kaSinyoro silesikhathi eside isenzakala. Sesabhalela incwadi ezimbalwa
sicela usizo ukuba uSinyoro aphume lapha. Lathi sifisa ehambe, kutsho uMlilo.
UDistrict Schools Inspector we Gwanda uSyden Sibanda uthe indaba kaSinyoro
isacubungulwa ukuze bathathe inyathelo.
Indaba kaSinyoro ingaphansi kophenyo olukhulu. Sesike sathumela ama Auditors
lama Inspectors ukuthi bahlaziye indaba le.Ngithembisa abazali ukuba ngemva
kokucubungula indaba le kuzaba lesisombuluko. Sifuna ukubona isikolo lesi
sithuthuka njalo ipassrate ikhwela, kutsho uSibanda.
Asenelisanga ukuxhumana loSinyoro ngoba umakhala ekhukhwin wakhe
ubengangeni.
