BEKUNGAMANGA kuhle koNtuthu ziyathunqa ngeSotho eledluleyo lapha abalandeli
beHighlanders le Dynamos behluleke ukuqedelana emagumeni eBarbourfields
bakhetha ukuyathunqisa uBulawayo phandle kwenkundla yenguqu.
Umdlalo obumelelwe nguzulu wonke jikelele uphele andubana ihlandla lakuqala
litshaye. Abalandeli be Highlanders sebegcwale enkundleni ye Barbourfeilds
bekhonona ngo nompembe uAllen Bhasvi.
Ngemva kwe mizuzu engu 35 iDynamos ibisi khokhela Nge 2-0. UKeith Madera
loFrank Makarati sebe bhamuze inethi.
Umsindo ubuvele usukhona enkundleni ikakhulu kucele le Soweto, ngemva kokuba
unompembe elandule ukuwiswa kuka McKinnon Mushore, obekuzanika iBosso
ipenalty.
Unompembe ubenga gqizi qhakala ngokuwa kuka Mushore wayekela umdlalo
uqhubekela phambili. Isimo sibile lapho uBhasvi senike iDynamos iFree-Kick
phandle kwe bhokisi, le Yellow Card kumdlali we Bosso uAndrew Mbeba.
Kulapho udlame oluqhamuke khona abalandeli sebeqala ukujikijela amatshe,
amagabha lokunye enkundleni.
Abalandeli behlula ama pholisa akade elihlekana, bagcwala enkundleni.
Unompembe, amapholisa aqala ukubaleka. Umsindo lo wenzakele okwemizuzu
edlula 30, okubangele ukuba umdlalo umiswe, kulandela imithetho ye Premier
Soccer League (PSL).
Kuthunqe iTeargas enkundleni eyenze iyezi elimhlophe elokitshini lase
Barbourfields, yilapho uzulu aqale ukuchitheka ebalekela ukuhitshwa yi Teargas.
Lanyakenye ngo Mbimbitho 15, umqhudelwano we Highlanders le Dynamos
waphela ngodlame; abacubungula ibhola babika ukuba indaba le sokumele
ihlolisiswe kabanzi ngabe National Peace and Reconciliation Commission (NPRC),
lenhlanganiso ezingeni ukuze kube lesi sombuluko.
IBosso ibisile midlalo engu 19 inganqotshwa, ku PSL, iqale ukunqotshwa yi FC
Platinum le Chicken Inn kumaviki ambalwa adlulileyo.
Kumbiko owethulwe yi Highlanders bexolisa uzulu ngesehlakalo esenzakale
eMagumeni.
"Sixolisa kuzulu abaphathi, labalandeli benguqu ngesehlakalo esicine simisa umdlalo
omkhulu kakhulu. Asihlanganiseni izandla lama khanda ukuze sithole isi sombuluko
sesahlakalo lesi, ngoba kwehlisa isithunzi sebhola, ikakhulu kumqhudelwano we
Bosso le DeMbare ngoba sekuyi nhlala yenza.
Sifisa abalimeleyo baphole ngokuphangisa," kutsho ingxenye yombiko.
Kumbiko owethulwe ngu mgcinisihlalo we PSL uFarai Jere, uthi udlame elula ndawo
enkundleni yebhola njalo abale sandla kumele bajeze.
"Ebholeni akula ndawo yokwenzela udlame, sifisa amaqembu afundise abalandeli
ukuba balandele imithetho ye PSL. Udlame lulimaza iqembu ngendlela eziphezulu.
Inguqu akusindawo yepolitiki asehlukaniseni lokho," kubika uJere.
Amapholisa ako Bulawayo abika ukuba, abantu abangu 8 balimala kusehlalo se
Bosso le De Mbare, ikanti abangu 6 babotshwa, njalo uphenyo lusaqhubeka.
