Bakali bamu Hwange balembela ba Environmental Management Agency (EMA) atala akuvula
kwalusuko kubusena bwa Ingagula Township mu Hwange.
Ingagula Township iyakilidwe afwifwi a Hwange Thermal Station alimwi manda aya
alimukuswana penzi lyazininiyana muya kambo kapower plant.
Nikuba komponi eyi kileminyaka kiyakidwe abakali bayo kabalimukuswana penzi lyalusuko
azininaniya nyika zizwa kuma gasi, ibakali bakakumbila kufwambana kusandulwa atala
akulonzegwa kwabusena.
“Mfwulumende weelede kusungwazya cakufwambana atala akulonzengwa kwabusena katitana
kujatwa bulwazi bwamukango twense,”balamba ba Peter Mudimba umwi wabakali bamu
Ingagula.
Iba Environmental Management Act 20; 27, bakambila boonse balama kampani amalasha kuti
babone zyakucita. Yoonse kampani yamalasha yelede kwimikizya lusuko mumigwagwa
njibabelesya akumilimo yabo.
Iba Greater Whange Residents Trust Co-coodinator Fedelis Chima bamba kuti cimo calusuko
mu Hwange cilanembo loko alimwi kweelede kufwambanisigwa kutola zyelelo.
“Kulicelelo cakukala bulangisisya akweezya kwimikizya kana kugwisya zininaniya mubusena
bwa Ingagula Township zizwa mu Power Station kwindila mu section 9 ya Environmental
Management Act 2002,” ulamba Chima.
Ilugwalo lwakasayinwa abayiminini babakali bamu Hwange lwakatolwa kuma hofesi aba EMA.
“Tulimukulemba katukumbilisya hofesi yanu eyo yakala kilimukulangisisya akweezya kwimikizya
zininaniya mubusena bwa Ingagula Township zizwa ku Power Station. Icelelo ca EMA kwiindila
mumulawo ccakuyaka kana kutala muya, manzi, muse amusindo welede akulangisisya
akwimikizya zininaniya musena,” lulamba lugwalo.
