Bantu benda amugwagwa uzwa ku Bulawayo nkuya ku Victoria Falls tabalokubotelwa pe.

Benda amugwagwa oyu inga bayeya tubili kwenda ndabakubija kwa mugwagwa. Mugwagwa wakali mubotu, lino abamagodi ayeeta lufu, ayanda kuti ciindi coonse nkolobulanga magodi kuti utajayi imota akweeta lufu kubantu mbonyampwide.

Biingi bayenda amugwagwa oyu baketa ku social media nkabalila kubija kwamugwagwa oyu.

Umwi wakagada bhazi mazuba ayinda wakamba kuti:” Ndakamvwa abubotu bwaZimbabwe alimwi a Victoria Falls. Pele, magodi ali mugwagwa wa Bulawayo tandikondedwe pe. Izyakunzwengana amagodi, akwendela kubhazu lya imwi mota kuciija magolonga te nkubotu pe kweta kudumana kwamota.”

Umwi wakalimubhazi wakataba nkati taciili magodi pe, ulakonzya kuswima mukati, lyabadamu ,nkalokuseka.

Alimwi umwi wakati mugwagwa oyu ndufu: “Zipa bweema kuti mugwagwa wendwa abantu bazwa kulizimwi nyika ulekelelwe obu. Alimwi ensi ndiswe tulokufwaba abazwa kulizimwi nyika balokufwaba lubo, zyetu basowe luyando lwakusika kubusena obu.

“Hulumende kuti wayaka mugwagwa, zyeta luyando alimwi bakunze biingi balaza kuzobona busena obu,” wambobo.

Magodi aya alimwi ayeta kutajata ciindi kuti kwaba uciiswa uyanda kuciijanisigwa kuchibhadela.
Mugwagwa mubi oyu tulikubisizya bayenda amota abalike. Bamabhizimusi alimbuli ma hotela, ma restaurants, barentesya mota, macustomers abo alikuba mache nkambo kwamugwagwa.

Hulumende abamwi ma stakeholders belede bayandule zibelekesyo mugwagwa oyu ulungisigwe akufwambana, bantu babe akwenda obotu nkakutakwe bubi pe, babotelwe akwenda kuzwa kuBulawayo kosika ku Victoria Falls.