Cheziya bakajoka kuzwa Kumuzundano waChesi wa-Insi Yoonse Mbiizulwa

Chikolo chaCheziya High School chakuGokwe, muChilikiti chaMidlands, chakaboola kuzwa ku-Italy
lumwemwe kumakosi musule akuswaanana abasobani bachesi bamweelo waajulu kumusobano mupati
wakamana mazuba mache ayinda waZikolo Zya-Insi Yoonse waChesi zyaBazundi.

Chikolo chaZimbabwe chakazunda zikolo zyoonse muchisi chakaba alweendo mulumwemwe lwaku-Italy
musule akuti tibakakonzya kubawo kumuzundano waInsi waBachikula waChesi wakali kuKazakhstan
kumatalikilo wamwaaka uuno.

Nikuba kuti chikolo chakuGokwe kunyina nichakaba chitaanzi kumusobano ooyu wa-Insi Yoonse
mbiizulwa, sikuyiisya kusobana waChesi, Blessing Jemani, wakakondelelwa kampatila anzila basobani
botatwe njibakasobana aayo alimwi amweenya wakuswaanana abasobani balampuwo mu-Insi yoonse
mbiizulwa kuzwa mu12 kuyosika mu25 Vumbipati.

Ezywell Mutema wakatondeezya chipo chakwe mumusobano waMisela yabanabalaombe balamyaaka
14 kaziya aansi, Gamuchirai Gogoma wakasobana kumisobano yabana bachisimbi bali amyaaka 18
kaziya aansi alimwi Ishmael Henry Kaitano, wakasobana kuMisela yabalombe balamyaaka 18.

Jemani wakabotelwa loko aatala alugwasyo ndwaakajana kuzwa kuMwiiminini waZimbabwe ku-Italy
Mietani Chauke antoomwe abana baZimbabwe bali kuchisi eechi.

“Zyakalikubotezya kampatila kweebela bana bazwa kuGokwe. Kusobana kwesu kwakasumpula mweelo
wesu naa kakulangidwe kwiiya alimwi akuswaanana abamwi basobana musobano ooyu,” wakaamba
oobu uyiisya basikusobana.

Wakati wakabotelwa alimwi akusungwaazigwa akubawo kwaMwiiminini waZimabwe Ku-Italy alimwi
abamwi bakuZimbabwe bakazide kukweebela misobano eeyi.

“Mwiiminini wakabotelwa kuba andiswe. Wakakondelelelwa kampatila aatala abachikula aaba bazwa
kuGokwe kusika kwabo kubusena buli kule oobu. Mulumbe wakwe wakatupa mantukwe alukondo.

“Wakatubambila pobwe lyachisusulo kuRome. Twakazumizigwa kweendeenda alimwi akubona
mbiibede Rome. Twakaswayila masena aansiku alimwi alabweebesi. Zyakalikukondelezya. Muyeeye kuti
mwana wakuGokwe akabone masena aaya. Kuyungizya, bantu bazwa kuZimbabwe balikuRome
baswaanizya Sister Veronica uuzwa kuGokwe, bakaza mubwiingi bwabo kuzoba andiswe alimwi eezi
zyakatupa mantukwe,” wakaamba oobo Jemani.

Chikolo chaCheziya High School chakazwidilila loko alimwi nchicho chakazunda kumuzundano wa2023
Crystal Candy National Schools Chess League Finals kuMisela yaBalombe. Lubo, chakazwidilila loko
kumisobano yoonse yaNational Association of Secondary Heads (NASH) yabasizikolo.

Mulumbe ooyu wakasandwidwa kuChiTonga aMidlands State University National Language Institute