Chiredzi yoramba zvemitoriro

VAGARI vemudnhu reChiredzi kuMasvingo voramba kushandiswa kwezvinodhaka
nevechiduku zvichitevera kudonha kwemurume wechidki padanda remagetsi
Vagari vachimirirwa neboka reChiredzi Residents' Anti-Drug and Substance
vakasangana nemapurisa emudunhu iri kuti vauye nenzira dzekuti dzingabatsira
kuderedza nhau dzemutoriro.

Vechidiki vakawanda mudunhu iri vava kuwanikwa vachipambadza nguva yavo
mukuzama mhando dzose dzezvinodhaka zvimwe zvacho zvichikonzerwa
neshamwari dzakaipa uye zvimwe zvichibva mukushaiwa zvekuita.

Svondo mbiri dzapfuura murume ane makore makumi matatu akadonha akafa
padanda remagetsi kuNaude Hostel muWard 1 apo zvinofungirwa kuti aive
akatodhakwa.

Chiitiko ichi chakasiya vagari vemunharaunda umo nevanoona nhau pazvivhitivhiti
vasina kana mate mumukanwa.

Kanzura veward iyi, Liberty Macharaga, akati panoda kuti pavandudzwe nzvimbo
dzokutandarira kwevechidiki kuti vakwanise kunge vachideredza kutorwa
kwezvinodhaka.

“Nyaya yekutorwa kwezvinodhaka nevechidiki ratova dambudziko hombe uye
zvirikukuvadza ramangwana renyika yedu nekuti ivava varikudhakwa ndivo vacho
vane simba vanofanira kubata mukusimudzirwa kwenyika yedu.”