IHulumende inozwibambanyila kutabilija bulwaji beCholera

Be Ministry of Primary and Secondary Education bakumushanyila zwikolo zulosiyana siyana beda kubona zukumutikana kutabilija bulwaji bwe cholera.

Unshingo wabo behulumede kuti bebone kuti balayijwa nabalayiji bazwitola nenzila imbuyanana na pakuzhulwa kwezwikolo yoku.

Bulwaji yobu bukumutana zwikulugulu kwaba nabanhu baligumi neshanu inenhatu yabanhu bafa akale ma kesi nebo amutana bakadalo be Ministry of Health imviki yapela.

Ba Spokesperson, Taungana Ndoro bekamilila Ministry bati ibo zwishingiso zokujibilila bulwaji zukumukulujilwa muzukolo. Banobona nozokushambijika bachenda beshanyila zwikolo kubona kuti zwikumutobeleja na mulawo wokushambijika.

Ndoro wakalebeleka ne New Ziana kuti bakulu bezwikolo bakatopiwa zwifundo mayelana nokushambijika muzwikolo kujibilila bulwaji beCholera. Be Ministry bamukushinga nobuchenjevu kutila kuti bana befunde zwibhodo zwabatangisa zwifundo zwabo kusube zwichabapambanisa.

“Se Ministry tikumushinga kasa kubona kuti zwikolo zose zwine team inomilila kukatika disaster beziba kuti banota chini akale kugala bakazwibambanyila kukatika zwimwe zwakata sama floods, bhepo, muka zomushango, namamwe malwaji akasiyasiyana.

“Zwikolo zwedu zwinolingililwa kusungwaja kushambijika nokuta zwimwe zwilojibilila ma disasters alosiyanasiyana, kwangweno tinovuma kutanga zwibhodo zwikolo zwedu muna 2024,” ulodalo Ndoro.

Bazwali, balaiji, nabose banoshinga pazwikolo banokumbilwa kutobeleja milawo yeHulumende kujibilila bulwaji bweCholera. Batungamili balozwipila kuti bana befunde bakasununguka kusina zwinobapambanisa.