Mabambe aPfumvudza/Maganko akasungulwa muChilikiti chaMidlands

Silutwe waMutabi waFulumende Uulangana aMakani aChilikiti aKweendelezegwa kwaManguzu
muMidlands, ba-Owen Ncube wakatalika mabambe aPfumvudza/Maganko muChilikiti chaMidlands
alimwi wakaambila balimi kuti batanoobbi zibelesyo zyamabambe eendelezegwa aMuzulwidi waNyika.

Mabambe ayendelana amubono wafulumende wazyaKulima wa 8.0 – mpandamayake mpati yamubono
waVision 2030, wakeendelezegwa kuMapanzure Muzondiwa kuZvishavane, Mugunzi lyaNyamazana 3
kuGokwe South alimwi akumuunzi wakwaMbewe, kuMwaami Chiwundura kuGweru.

Kusungulwa kuli mumulawu kwakachitwa chiindi fulumende nalokweendelezya kuyakwa kwama-
indasitili mumyuunzi alimwi akweendelezya mapurojekiti amumyuunzi asumpula kujania kulya kuzulide
alimwi kuyaka mubili chiindi choonse ayendelana abwiime bwakunze bwamucheengelelo.

Silutwe waMutabi waFulumende Ncube wakasungwaazya bantu muchilikiti kuti batambule alimwi
akubelesya nzila zyaandene zyakukwabilila zilimwa ambono kumapenzi abbalangwe lyeetwa aEl-Nino
chiindi chakulima eechi.

“Ndalipeda kusungula zibelesyo zyaPfumvudza/Maganko kubalimi boonse muchilikiti alimwi
akumusungwaazya kuti mutobele malayilile abalimisi munzila iitakwe kuleya aatala anzila zyakulima
zyaPfumvudza/ Maganko.

“Ndilabotelwa kwaamba kuti Fulumende ulokupa lugwasyo lwaZibelesyo zyaMabambe aMuzulwidi
waNyika kubalimi mumagunzi woonse. Aboobo, ndisungwaazya boonse beendelezya mulimu ooyu kuti
beendelezye mubusalali alimwi abulangilizi bubotu. Ndaambila boonse bantu bachita buboli bwakubba
alimwi abwakuuzya zibelesyo kuti mulawu uzobajata luzutu, nkaako mwachenjezegwa,” Silutwe
waMutabi waFulumende Ncube wakaamba oobo.

Aakati kabalimi muchilikiti, Silutwe waMutabi waFulumende Ncube wakabotelwa a Gogo Dinga Nyoni
wakuGunzi lyaZungurira munsi aMwaami Mapanzure, kuZvishavane, wakatondeezya chiyandisyo chipati
kumabambe aaPfumvudza nikuba kuti kali muntu mupati.

TONGA
TONGA

Gogo Nyoni bakali babambilila kuti balime myuunda musanu yaPfumvudza – yobile kiilangilidwe
kuzobyalwa miila, umwi nzembwe, umwi malangazuba alimwi umwi nyangu zyachintu.

“Zilabotezya kubona kulipeda kwaGogo Dinga Nyoni aboobo wakamana kale kubambilila kulima
myuunda musanu yaPfumvudza/Maganko. Mulimu uulombozeka alimwi weelede kweemuzigwa amuntu
woonse mubusena boonse kuswaanizya bachikula besu,” Silutwe waMutabi waFulumende Ncube
wakaamba oobo.

Fulumende ulangilide kuyiisya mpawo akuyiisya lubo balimi biinda mamiliyoni otatwe kulubazu
lwaPfumvudza/Maganko mpawonya kulangilidwe kuti mahhekita ayinda 200 000 alimwe munzila
zyantiliizyo kuchitila kujania kulya kuzulila.

Kwalino, mpuli zisika 299 173 zyakayiisigwa nikuba kuti kulangilidwe 397 000. Eezi zyakazuzikizigwa
akaambo kakupa Balimisi midududu kuchitila kuti bakonzye kuswayila balimi alimwi akubapa
njobolamakani zyamweelo waajulu kuchitila kuti bakonzye kumwaya milumbe kubalimi kuchitila
kusumpula kulima abutebuzi.

Zimbabwe, mbuuli zimwi zisi, layo ilokuswaanana abuyumuyumu bwamasandu abwiime bwakunze
aboobo fulumende ulokuchita manjezezya manji akusumpula kujania kulya kuzulila kutalikila kumpuli.
Mulumbe ooyu wakasandwidwa kuChiTonga aMidlands State University National Language Institute.