Man gets mad after stealing biscuits from Zambian

Kubusena bwa Victoria Falls kulicigambyo cakacitika, inzala yama bbisiketii yaketa mpengo
kulumwi mwalumi musule akubba ma custard bbisiketi kumu Zambian muNsondo yinda
omo mubanywina akwebela bhola kubusena bwaMkhosana.
Basikuzibona bakamba kuti mu Zambian walikuzya zintu zyakwe kubusena nkubanywina
bukande antoomwe akwebela bbola, mpawo wasikuyeya kuya kusokwe wasikusiya zyakuzya
kazitakwe uzilanga. Sikubba utambidwe zina wakasika wabweza bbokesi wasikubbila.
“Twamubona mwalumi nkabweza mabbisiketi wasikucijila kumanda alafwifwi. Mucindi
muZambian wakaboola kubusena mpawuzizya, wakujana ma bbisiketi akwe taciwope.
Wasikubuzya kubantu kuti unoli ngwani wabweza ma bbisiketi akwe pesi takwe nakajana
kutabwa kulumbizya moyakwe pe. Sikubbidwa wakakonka ikuti ulabwedezezya,” wambobo
wakamubona oko nkubanwina akwebela bbola.
Ibantu bakala mubusena obo bakati bakayowa loko kubona sikubba mabbisiketi nikwakinda
mazuba obile nkalikucijana cijina ku Mkhosana awuzizya bantu nkalikulyamba kuti nguwe
wakabba mabbisiketi amu Zambian.
“Twakagamba kubona mwalumi muciindi cinini nkaliwapenga. Walikunjila mulecii cintolo
wazwa waya mulicimbi nkalobubuzya kufumbwa uyanda kumuswilizya kuti wakabba
mabbisiketi. Wakalikwambula cambule mbule nkalikukumbila kubantu kuti bamugwasye
kukumbila lulekelelo kumu Zambian,” wambobo umwi mwalumi utegwa ngu Middy
mwenzinyina wasikubba.
Sikulinda awo mpubanywina akwebela bbola utegwa ngu Emmanuel Nyoni wambakuti
wakamubona mwalumi nkacija camanguzu. “Ndamubona amenso angu nkalikulyamba kuti
nguwe wakabba mabbisiketi amu Zambian. Kuzwawo wakasanguna kwambula cambule
ambule nkalikusungilizya basikula kuti bazwe abuseba awo,”wambobo Nyoni
nkalikuyungizya kuti ezi zyacitika nciiyo kulibasikubba.
Kwindila kubantu bakala mubusena obo, bambakuti inzubo zyasikupenga zyaamutola ku
Zambia kuti bakayandule mu Zambian kuti bakumbile kulekelelwa antomwe
akumwangununa mukupenga.
Ma Zambian bakede nkabinkide ku Victoria Falls kuyowuzya zintu zisiyene siyene zilimbuli
cikafu antomwe empasha zyakazwetwe kale. Twambo twaavula tuyosya tulikucitika
nkatulikwambulwa abantu etala amanguzu atamvwisyisiki azwetwe ama Zambians ikapati
kulizyakubba.