Milandu iyilinkene kumwalumi wakuBinga

Nkambo kakulumwa kutwi kwabakapokola nkokuuko kwaketelezya mwalumi wakuBinga
oyo wakajanika alubange mucilili camumunzakwe kubusena bwakwa Pashu munsi
lyabasiMwami Pashu.

Sikupegwa mulandu ba Million Munkombwe balaminyaka makumi ane ayibili bakasungwa
kwindila mumilandu yobilwe iswanizya kujanika alubange akujanikana tukole.
Mukwindila muliba Matabeleland North Spokesperson ba Inspector Glory Banda bamba kuti
kusungwa kwaba Munkombwe kwakaza musula kulumwa kutwi.

“Bakapokola bamu Matabeleland North bayanda kuzibisya atala akusungwa kwa Million
Munkombwe mwalumi ulamnyaka ilimakumi one ayibili uzwa munsi lya siMwami Pashu,
wakajanika azisiko zili mwanda amakumi alimusanu aane alamusanu ayibili (197) zyalubange
zikonzya kuba 27cm kukulampa cisiko comwe”.

“Alimwi wakajanika atukole tunini tuli makumi alimusanu aane atutatu (93) musula
kulumwakutwi, bakapokola bamu Kamativi bakaswaya simulandu zyakacita kuti bakonzye
kujana mbanje mucilili cakwe atukole mucimumbwa cakwe”.

Munkombwe wakimikizigwa munkuta ya Hwange Magistrate Courts, Dete Circuit mumunsi
wa 16 Kandakanini 2023 awompakajanika amulandu yobilwe alimwi waka tegwa abole lubo
mumunsiwa 25 Kandakanini 2023 awompatazopegwe cigwebo cakwe.

Munkombwe wamba kuti tukole otu walikutubelesya kukuteya nkanga, tusulwe ansya.
Inkanko, bakapokola bacenjezya bantu kuti basiyane azintu zikola awo nyika
mpilikulwisyanya akwimikizya zikola.

“Iswe mbolibakapokola tulimukucenjezya bantu kuti baleke kutola zikola. Alimwi bantu
tabeelede kunjila mulizyakuvwima mumasena akala banyama alimbolima Safaries, nkambo
balakonzya kuswekelwa buumi kabalibajatwa banyama,”balamba ba Banda.