Ilwano lwamunzi wabana lwakuKabwe munsi lyaba SiMwami Pashu muBinga lweta miyeyo
mingi mibotu anukuti ayimwi mibi mumiyeyo yabantu nkambo nganda eyi yajulila milyango
yalusumpuko.
Kulibamwi, ibbala lyamba munzi wabasimucaala lyeta miyeyo yabuyumu yumu mbulokuti
lyamba bana bakafwidwa abazyali.
Ikabunga kakatalikide mu 2014 nkuli munzi wabana bali makuumi obile akamwi nkakuli
munini ulamyeezi ilimusanu akamwi, amupati ulaminyaka ilikuumi amusanu ulatubili,
yakajulila mayako awo basimunzi mpubalikujanina lugwasyo.
Ikabunga ke Hope Ministries aka Hope Trust Zimbabwe keendelezya munzi wabasimucaala
munsi lyezina litegwa Kabwe Children’s Home, kakasya ciibbolani, kasikubumba Muboola
Community Garden oko bantu bayingi nkubajanina lugwasyo. Ikabunga aka kalikubamba
kuyaka Skills Training Centre oko banike bamunzi wabasimucaala mpubatanoyisigwe
akupegwa luzibo lwakulisanina nibazwa amunzoyo
“Ezi zilaswanizya abapya balubaza luno akumwi, mbulikuti munzi wabasimucaala uyakidwe
akati kabantu. Mukasimpe nzizyo nzitwakasala kweta munzi wabasimucaala kumunzi,”
wambobo Jabulani Mudenda sikutalika akwendelezya kabunga ke Hope of Trust Ministries
muZimbabwe.
Kutali kwaaba kwamayako alike, munzi wabasimucaala wakajata babeleki bali kuumi
mumyunzi kuti nkababeleka mazuba oonse.
“Tulababeleki bali kuumi alimwi tulangililide kubweza bambi bantu, Skills a Vocational
Training Centre niyajula. Mulaawo wesu kuti tuyandule bantu bazi mubeleko kumwi nakuti
twababula mumyunzi ilafwifwi,” wakayungizya.
Mukwambula antanganana, umwi mwanakazi womwe (izina lyasiswa) wakatondezya
kulumba kapati kukabunga ke Hope Ministries and Hope Trust Zimbabwe kukutalika muunzi
wabasimucaala ku Pashu nkambo busena bwabo bwabota akubikwa mapayipi amanzi.
“Wakatulumina nemba, maanzi mabotu twalinowajanayi kono tunywa mabotu mwayi”.