Mwalumi wakuLubangwe uyaswa kafulo

Macise akuyaswa kuLubangwe asiya mwalumi wakubusena bwaHwange nkafwide musule akwimikizyana amusimbi kubbawa lyamansiku.

Ijoba lisiya lyakasikila munzi waLubangwe nkuliwasikilwa lufu lwamwalumi nkaliwayaswa cenguzu mubuzuba bwakubotelelwa munyaka mupya. Wisdom Dube ulaminyaka ilimakuumi otatwe uukala ku South Africa pesi nkali wakali swayide munzi wakwabo, wakabbadala muulo wakukalalila mwana musimbi ulaminyaka ilkuumi atutatu nkambo kakunjila mubbawa lyamansiku nkalimwana munini.

Ikambo aka kakazulila nkakulikulangwa etala abuntu bazwa kubapya, nkakuli kwasigwa muunzi nkugambide.

Ezi zyakacitika mumwezi 1 Mukazibaziba 2024 Dube nkali wasikila musimbi nkabali afwifwi akuzintolo kuLubangwe. Mukwezya kumutondezya wakamwambila kuti tazilikabotupe kuti mucibaka cakwe kujanika kubbawa lyamansiku muzyindi zyamansiku. Mukumukombelezya kuti abwede kumunzi, Dube wakali kumutondezya nzila antomwe acaanza.

Pesi muntu ngwatazi pe Dube, majwi akwe alulayo akakuwida kuli Obedience Mudenda ulaminyaka ilimakuumi obile alatune munakwabo wamusimbi. Nkazwide kunyema Mudenda wakasikila Dube, ezi zyaketelezya kutamvwanana munzila mpubakabede yakalamudima. Mucigambyo kwimikizyana oku kwakasanduka kwaba nkondo kuli Mudenda wasikutola kafulo ke okapi munkomo yakwe akufwambana wasikuyasa Dube mubumpango.

Kukomena kwacilonda kwaketelezya Dube kuti azilike pesi nkalikulwanina buumi bwakwe. Umwi zwakwe sikwendenda nguwe wakazomutola wamucijanya kucibbadela caku Victoria Falls.

Matabeleland North basikwambwida bakapokola ba Inspectors Glory Banda bakambilizya kwangwa Kwa Obedience Mudenda nkangilwa kufwa Kwa Dube. Ba Inspector Banda bakati ikambo aka kaciyandulisisigwa etala ezyaketa bujayi bulikweta mulandu.

Cigambyo eci caketa kulangisisigwa etala abuntu butaciwo mucisi, mbuli basimabbuku ba Felix Ncube mbubakatondezya akuzwa Moyo nkabalikwambula etala akuswekelwa kwabuntu ikapati kubana bacilampa. BaNcube bakagwisizyanze kupengana kwabo etala abana banini ikuti belede kutondezegwa nzila akubalaya.