By Sikumbuzo Nyoni
Imwanaa musimbi ulaminyaka musanu akamwi waku Bulawayo mubusena bwamu Mabuthweni
ulalijeya mukwindila mukutamvwanana abanyina kaambo kakulya.
Ooyu sikulijeya wazibikene azina litegwa Patience Happiness Chishemu ,oyuwalimucibaka chasanu
kulwiyo kuchikolo chitegwa Mpumelelo Primary School ku Mpopoma.
Mwiminini uwaambwida bakapokola mubusena bwa Bulawayo, Assistance Inspector Nomalanga
Msebele uzuminana akaambo aka kati baciiyandulisisya ikuti zyakenda byeni.
“Mumunsiwa 6 Vumbipati 2022, Patience bakaba akutamvwanana abayina musulakuti nkamboii
natakabetela cakuulya kumulimo wabo nkubabelekela kuMabuthweni shops oko nkubawuzya
gas.Nkambo kako bayina bakamuwabhawula amungo mumyindi kabalimukwindulula,” ulamba
Assistance Msebele .
Msebele wamba kuti musule akunabha imwana wabo mama aba bakanyampuka babweda kumulimo
wabo basiya Patience alike anganda.
“ Izuba kalitwa bwaba , munsi wakaleyo bayina Patience bakazowambilwa abanikenike
mbiyakizyenabo ikuti nino Patience walyangilila munsamusamu wamu Apple ulangandabo “.
Assistance Msebele ulamba bayina bakacijana akubweda ikunganda mpawo bakakujana mwana
kalimukulengelela antabi yamuusamu.
“Bakeezya nguzu zyoonse ikuvuuna buumi bwamwanabo kwindila mukumwangununa kakole
akumunyampwida munganda omo mubakakumwiitila Ambulance. Niyakasika Ambulance,
basikwendayo bakazobambila kuti mwana taciwo pe wafwa”.
Msebele uwambila ibazyali ikuti balangisisye inzila zyabana babo ciindi coonse nibayobukomena
akubatondezya inzila iyelede kucitila ikuti bakonzye ikulivuna mubuumi bwabo nibaciyobukomena.
