Unkwali we Indonsakusa
Umwe undume unamakole 34 okuzwalwa, Irvine Shoko, wokuGamba Village kuHwange, akamiswa mbeli kwabatongi etongelwa undandu wokuda kubulaya alimwi kuba nezwibaza zusilovumilwa nomulawo.
Yezwi zwakatikana nomweji wa June 6, Shoko wakenda kusha kwaPossent Nyathi kuma 10 PM akale wakabuja Nyathi kuti ukumuda kulobola mwana uwe. Nyathi wakonzibisa kuti mwana wakalobolwa, Shoko azwijakombata zwibuyanana. Banhu bakabona zwakatikana bakati akapopotela Nyathi ndokuleba kuti ukumuda kumubulaya, mawhi yaya akata kuti zwisikwende zwibuyanana.
Nyathi wakenda kunomangala kumapolisa, izwi zwakata kuti mapolisa engwinile. Pakasungwa Shoko, mapolisa akawana ayinechibaza, icho chakajibiswa kushingiswa pamulawo.
Shoko akabhadaliswa fayindi inoswika USD 150, iloshanganisila USD 100 yokuda kubulaya alimwi USD 50 yokuba nechibaza chakalambijwa kunyamulwa nabanhu pamulawo. Nokudalo, Shoko akatongelwa kugala mujele kwemweji mitatu, alimwi elambijwa kuti atokwelela kuta chibi chilokwelana kwamakole mashanu alotebela.
Chinhu chikulwana mapolisa alokwelela kushinga nesimba kuti kube nolunyalalo nokuti mubugalo yobu banhu balogala beta musindo alimwi kubulayana.
New Ziana
