Kkansili yaDolopo lyaGokwe yakachita jendengano abaabo mbiilyidilana aabo naa kuti
mbibelekela aamwi ambabo mazuba mache ayinda aatala akuti bantu batantamuke zikola.
Basijendengano eeli bakali kuzwa kuNg’anda yaDolopo kuyosika ooko kumasena aakkala bantu
ooko kusambalwa zikola zyiingi alimwi mpawo nkabaya nembo kuya aakati kaDolop lyaGokwe.
Jendengano lyakali kuswaanizya ntabi zyafulumende zili mbuuli Kabunga kaChisi kamaKkansili
amuZimbabwe kakiimvwilidwi aamaKkansila Bakubusi baDolopo lyaGokwe, basilikani
baZimbabwe Republic Police, Mutabi waBachikula, Misobano, Kwaanza aKulisangalizya, Mutabi
waBabelesi Baluundu, Kubelekelana alimwi aBukkale bwaLuundu alimwi akabunga kaNational
AIDS Council of Zimbabwe.
Sharma Gwanzura, Sichuuno waKkansil yaBakubusi yaDolopo lyaGokwe wakagwisya
aatambalala kuti zikola ziswaanizya zintu zilimbuuli kkokkeyini, hhiroyini, metamfetamayini,
lubange alimwi azimwi zichita kuti muntu alotomoke mbuuli minsamu iijanikana muzibbadela,
bukande alimwi apolya.
“Zintu zipa kuti bantu babelesye oobi zikola zilisiyene alimwi zikonzya kuswaanizya kuyanduula
kubotelwa, kugwisya machise amoyo, kuyungikana, kuyandisisya zintu alimwi akuyanda
kulisilika malwazi aboongo muntu katiizi minsamu njayelede kubelesya.
“Mpindu yakubelesya oobi zikola ilakonzya kuba mbi loko alimwi ilakonzya kuchelezya mabazu
abuumi bwamuntu woonse.
“Aatala amubili wamuntu, kubelesya oobi zikola kulakonzya kweeta mapenzi abulondosi
aaswaanizya kunyongana kwazimwi zizo zyamubili, bulwazi bwamoyo, kuba apenzi lyakuyoya
alimwi akuba amyeenya yakutabukizyania malwazi ankwelakasasa amalwazi achini ikapati
kubantu balokunywa minsamu kale. Kubelesya oobi zikola kulakonzya kuchita kuti muntu
afwambaane kuluba alimwi chimwi chiindi aleke kunywa minsamu njapona aayo mpawonya
machitilo aaya alakonzya kweeta lufu," wakaamba oobo Gwanzura.
TONGA
Jendengano lyakakusika kubusena bwaMisobano alimwi lyakali amusongosongo wakuti
Kusandula mizeezo mukwiinda mumisobano akwaanza" mubuzuba bwa-28 Kavumbi Kaniini.
Musobano ooyu wajendengano wakali kweendelezegwa aDaveson Masvisvi, Mwiimini
waPalyamenti wakuGokwe Central ooyo wakagwisya aatambalala mapenzi eetwa akubelesya
oobi zikola kubantu alimwi akuluundu.
Limwi penzi pati lyakubelesya oobi zikola ndyakuti muntu ulakonzya kukachilwa kupona naa
tazibelesya.
“Kwiinkilia nembo kubelesya oobi zikola kulakonzya kudunsula zimwi nsinga zyaboongo, alimwi
akuchita kuti muntu aponene zikola luzutu. Kuponena zikola ndipenzi liyanembo linga lilakonzya
kukachila kulimana alimwi likonzya kweeta mpindu mbi aatala amawumi amuntu.
Nkupati kubona mapenzi aaya kachili kule alimwi akuyanduula lugwasyo kufwambaana naa
koli apenzi eeli na kuli muntu nguzi uuli mubuyumuyumu aatala akubelesya oobi zikola.
“Kusilikwa alumwi lugwasyo mpuzili kuchitila kuti aabo balapenzi lyakubelesya oobi zikola
bazunde alimwi akusongola ntenda eezi," Masvisvi wakaamba oobo.
Musobano wajendengano ooyu wakali amatimu amisobano abbola lyamawulu alimwi N-
Richards FC njiyo yakazunda alimwi yakapegwa zisamo zyamisobano zili 15, bbola mpawo
amendulu mpawo Blue Bullets Club bakazunda kumisobano yabbola lyamaboko alimwi
bakapegwa bbola lyomwe aantomwe amendulu.
Mulumbe ooyu wakasandwidwa kuChiTonga aMidlands State University National Language
Institute.
