Ibamumunzi bakuka Chechete, munsi lyabaSiMwami Mvuthu balijatila abalike mukuyaka
damu litazobape manzi aakubelesya kupa lubono muchindi nikwayuma mumunzi.
Kachechete mbusena buli kujwe lyaHwange nkinkako mvula nincee loko ciindi niiwa.
Kuyakwa kwadamu kulikugwasigwa abe United Nations Aid kwindila mukabunga ka
Amalima Loko. Idamu lilabwaasa buli 15×8 lilangililidwe kugwasya ngoombe zyinda cuulu,
impongo zilimyanda yosanwe atutatu, imadonki alimyanda yosanwe abantu boonse
mubusena.
Mwalumi utegwa ngu Standard Weza, sicuuno we projekiti lyadamu, wakambila
Indonsakusa kuti kuyakwa kwadamu ndiloto lyaazwidiilila mubusena bwa Kachechete.
“Tuliboteledwe loko. Lyaakede nkalililoto lyesu kuti tube damu pesi tetwalikwe zibelesyo pe.
Amalima Loko niyakazosika eprojekiti eyi, yakali ciilyo cizwa kujulu mbulikuti bakatupa
zyoonse. Mbuli munzi tulano kukubeleka,” wambobo Weza.
Idamu lilangililidwe kuti nkalili lyamana kumamanino waKavwumba kanini mukucitila kujata
manzi.
“Tulamabambe miingi loko etala eDamu eli, tuyanda kubika baswi mukati akuyaka ngadi
kumbali, ikapati zisyu,” wakayungizya Weza.
Kulibantu bali mwaanda omwe ulamakuumi alimusanu atutatu amusanu ulatune,
balikugwasya kukuyakwa kwadamu boonse nkabazwa kuKachechete akubusena buli mbuli
Vulindlela aku Chisuma. Basikubeleka abusena bapana mwenya nkakusanguna banjila a7
kuseni nkabimikila a 11 kuseni. Ibabili batalika kubeleka a 11kuseni nkabayimikila goko kuma
3.
Kabunga kaMalima Loko ni United States Agency for International Development -Funded
Bureau of Humanitarian Assistance Programme kalangililide kugwasya bantu muminyaka
ilumusanu kuzwa mu (2020-2025). Ikabunga aka kakabumbwa kuti kagwasye ibantu mu
Zimbabwe kwindila mukweta kulya kuyungizizidwe akugwasya kuyaka madamu.
Kwakatalikwa akabunga ke Cultivation New Frontiers in Agriculture (CNFA), Amalima loko
nkiyakide aabuvubi lwabasikuba tondezya. Amalima Loko, nkilaminyaka ilimusanu atubili
kukunyampuka mukubambwa kwakulya nkakuli kwaakatalikwa abe CNFA, yalikubeleka
kugwasya akusumpula kubamba kulya antomwe akupa zyakulya kulabo batakonzyi ibantu
bamu Zimbabwe.
