Mbungano ya-Anglican ilamakanze akulyiiminina

Mbungano yaAnglican Church Central Region ilokubeleka changuzu kumaninsizya milimu myiingi
muChilikiti chaMidlands kuchitila kuti inenekele makanze aayo akulyiiminina.

Muchiindi champanamizeezo, Bbishopu Ignatius Makumbe wakatondeezya kulipeda kwambungano
yakuyanda kupa lugwasyo kuluundu mukwiinda mukumaninsizya milimu yaandene njilokuchita
muchilikiti.

"Mpalamo yesu mbuuli mbungano yabukombi nkulyiiminina kumamanino amwaaka wa-2023.
Kuzuzikizya eezi, tulangilide kumaninsizya mapulojekiti aayo atakalange kujania bachikula milimu
ikampatila kuli baabo batanoli bazwa kumayunivesiti akumakoleji," Bbishopu Makumbe wakaamba
oobo.

Imwi yamilimu mipati ilokuchitwa ambungano yabukombi nkuyakwa kwang’anda yamujulu yazitezi
zyotatwe muDolopo lyaGweru.

Kuyaka busena oobu kwakatalika mumweezi wa-Itwi mwaaka uuno, alimwi mayake aaya alangilidwe
kuba lugwasyo lukoloondo kuchipanzi chamabbindawuko alimwi akunjizya mali chiindi naatakamane
akusungulwa kubeleka mumulawu muliNalupale.

Zitezi zitaanzi zinooli zyakusambala kulya, alimwi akupa mweenya wakuti bantu bamubusena bajane
lubono lukoloondo.

Maanda aabili kuya mujulu bunoli busena bwamawofesi alimwi bunooli bwabaabo bayanda
kunobelesya maanda aaya nkabaliya antoomwe amankampani, kuchitila kuti bajane busena bubotu
bwakubelekela milimu yabo yazyamabbindawuko. Maanda aataatu kuyakujulu anobikilidwe
mibeleko yambungano alimwi akusimatizya bubewo bwaMbungano ya-Anglican kulubazu lwanyika.

Bbishopu Makumbe wakasimatizya kuti mali yakuyaka yakazwa kuli basimbungano bali musanu
abatatu bakalipeda alimwi imwi yakazwa kumabbindawuko amagetsi azuba aku St Patricks’.

Mabbindawuko amagetsi kuSt Patricks’ akajulwa zilimumulawu mwaaka wayinda alimwi alokweeta
mpindu yamakkilowatsi 157 amanguzu amagetsi kuSt Patricks’ Mission alimwi ma-injiniya bayo
balokusumpula mabelekelo abusena oobu kuchitila kuti bweete mpindu mbotu.

Lubo,mbungano eeyi yakatalika pulojekiti yamamegawatsi musanu eeyo ilokusanguna alimwi
basyabusongo balokwilangalanga kuti kujana yabeleka kabotu na mpawo ilangililwa kuti imane
kufwambaana.

Pulojekiti eeyi ilangililwa kuyungizya mweelo wamagetsi achisi alimwi akuchita kuti ZESA kiiliya
kumbungano eeyi kuchitila kumana penzi lyakucheya kwamagetsi muchisi alimwi akujania bachikula
milimu.

Aatala akukwabilika, mbungano ilankampani yayo yabasikulinda yiitwa kuti niPartmos alimwi kili
abulidilano ankampani yaChampions Regular Trading Insurance.

Mbungano yakukomba eeyi nkwiili lubo kulubazu lwazyalwiiyo alimwi yakapa lugwasyo lwakuyaka
Holy Cross School muKwekwe alimwi mulimu wakuyaka ooyu uchiya nembo.

Bbishopu Makumbe wakasisimpizya kuti mapulojekiti aaya matalikilo alimwi kuli amwi mabambe
aliwo kale akuchitila kuti mbungano ilyiiminine.

Wakasungwaazya bakombi aluundu kuti babalekele aaamwi ambungano eeyi mpawonya
wakalumbayizya bupati bwabbelekelamwi alimwi aluumuno nkokuti mbungano izuzikizye mpalamo
zyayo.

"Tusyoma kuti naa mapulojekiti aaya amana alimwi naa twapa myeenya yalusumpuko lwamilimu
abuvubi, tunoli twapa lugwasyo lupati lwakusumpula chilikiti chaMidlands abantu bacho,"
wakaamba oobo.

Mulumbe ooyu wakasandwidwa kuChiTonga aMidlands State University National Language Institute