Mwiiminini waPalyamenti yaBana usungwaazya kuboozegwa kwakuumwa kwabana muzikolo

Mwiiminini waPalyamenti yaBana usungwaazya kuboozegwa kwakuumwa kwabana bachikolo abayiisi
mbukunga mweelo wakusunda abubbingwe watanta kapati.

Mwiiminini waPalyamenti yaBana wakonsitichuwensi yaVungu Mathonsi Zwelenkosi wakaamba kuti
kunabba bana batamvwi njiyo luzutu nzila iinga ilazyotolola basinkungulukutwi.

Wakati bana buuma bamwi bana bachikolo, balwana alimwi amweelo wabana banywa zikola ulokutanta
muzikolo mbukunga bana balokubwezela aajulu bubekebeke bwamulawu uukasya bayiisi kuti
bazyotolole bana munzila yakubanabba. Kuumwa kwabana bachikolo abayiisi kwakagwisigwa
mumulawu mumwaaka wa2017 aNkuta Yaajulu eeyo yakati chipanzi 60 (2) (c) chaMulawu waLwiiyo
tuwakachili kweendelena aKkata lyaMulawu waZimbabwe.

Nkakutanaba mutongo wa2017, nzila yakuzyotolola bana mukwiinda mukunabba muzikolo
muZimbabwe yakali kuzumizigwa. Mathonsi wakakumbila fulumende kuti abambulule mulawu ooyu
mbukunga bana balokupopela muzikolo akaambo kakuti mulawu uuliwo usungwaazya kuti bapopele.

“Kakutanaba mulawu ooyu, bana bakali kulijata muzikolo alimwi bakalikuyoowa kuumwa.

“Kwalino bana balokunywa akufwepa zikola alimwi eezi zilokuchita kuti basiye chikolo akaambo
kalwaangunuko lutajinki,” wakaamba oobo Manthosi.

Mwiiminini waKansili yaBana waBbooma lyaVungu Dorothy Banda wakati bayiiyi bayoosya bayiisi kuti
balaya kubasilikani naa bayanda kubanabba.

TONGA
TONGA

“Tulokweezya kuPalyamenti yaBana kusungwaazya fulumende kuti abambulule mulawu ooyu uuli aatala
akunabbwa kwabana bachikolo mbukunga ulokweeta lupyopyongano alimwi kwaba kuyumu kuzyotolola
bana muzikolo,” wakaamba oobo Banda.

Mubetesi waNkuta Yaajulu Justice Munamato Mutevedzi, kumatalikilo amwaaka ooyu, wakaamba kuti
kunabba kulazumizigwa alimwi takukonga kulabikwa munsi amulandu mupati wakuuma kutali
mumulawu naa mpalamo kiili yakuzyotolola mwana alimwi bukamboni kabulitondeezya.

Justice Mutevedzi wakaamba oobo aawo nakati Yeukai Grahama Mutero kunyina naakali amulandu
wakujaya aawo naakuuma mwana wakwe kuyosika mpakafwa. Mwana ooyu wakali amyaaka kumi
ayitatu (13).

Bobile aaba bakasungwaazya fulumende, tubunga tulwanina zyeelelo zyabantu alimwi abantu
balimvwilidi kuti bagwasizye kupa bana basimbi lubono lwakubelesya aawo nibali muzyiindi zyakusamba
muzikolo antoomwe amumyuunzi.

“Mputuli tubunga tukozyenie aDreams tulokugwasya bana basimbi lubono lwakubelesya muzyiindi
zyabo zyakusamba, ikapati aabo bana basimbi bamumyuunzi baswaana buyumuyumu bwazibelesyo
eezi,” wakaamba oobo Mathonsi.

Banda wakati mpubali bana bachisimbi bayanda lugwasyo lwazibelesyo alimwi wakakumbila aabo
balachiyandisyo chakugwasya kuti babikke mitwe aamwi alimwi bagwasye.
Mulumbe ooyu wakasandwidwa kuChiTonga aMidlands State University National Language Institute.