Mwaluumi ulaminyaka ilimakuumi otatwe atuune uzwa kubusena bwaku Binga
wakimikizigwa munkuta mu 14 Mukubwekangala 2023 nkambo kakujaya bayina.
KuBinga ku Matebeleland North kulimwalumi wakajaya bayina balaminyaka ilimakuumi
alimusanu akamwi alamusanu atubili musule akubapa mulandu wakunkonkezya bwaalumi
bwakwe.
Sumayili Juma ulaminyaka ilimakuumi otatwe atune uzwa kubusena bwakuKalima takwe
nakalekelelwa pe nkaliwimikizigwa amubetesi Urgent Vundla kumulandu wakwe.
Wakajalilwa munkuti mane kuyosikan mu 21 Mukubwekangala mpo wakategwa abweze
bbeyili kunkuta mpati. Mulandu wakwe Juma ulikutegwa wakaswaya mupolofita
wakakumwambila kuti bayina Josephine Njijwe mbabo balikumulowa.
Imema yambakuti bayina nibakakede munganda yakujikila yabwizu abamwi bamuunzi, Juma
wakanjila mungandeyo nkajisi kaleba.
Nkalimukati munganda wakasanguna kubeteka banyina nkalikuti mbalozi nkamboyi
nkabacita kuti bwalumi bwakwe bubulike muzyindi buboole buboneke lubo. Wakabatemuna
twingi amubili wonse mane basikufwa akalawo.
Musule akujaya banyina, Juma wakasicije pesi nzubo zyakwe abamwi basimayakizyani babo
bakamutobela mane bakakonzya kumujata.
Nibakamujata bakamwanga ecaanzyo basikumutola kulibakapokola bakuKamativi oko
nkwakakupegwa mulandu wakujaya.